'Ys to the (tak hed her-to,)
Thyn Enmy & thy grettest foo,
Line 9452
'On that party (yiff thow lyst se,)
Roos fyrst the gretë Enmyte;
Nature hath yt so ordeyned;
But yt thorgh vertu be restreyned.
Line 9456
For the ffrut (what-euere yt be)
Bereth the tarage off the tre
That yt kam fro (I dar assure);
ffor yt were ageyn nature,
Line 9460
A Thorn to bern a Fyggë soote;
The bud hath tarage [[Fr. terrage]] off the roote,
Lyk as an appyl or a pere,
Thogh yt be born, neuere so fere, [folio 147b]
Line 9464
Yt savoureth (whan that al ys do,)
Off the Tre that yt kam fro.
'And semblably haue in mynde,
Manys body, as be kynde,
Line 9468
As off hym sylff (be wel certeyn),
May ber no ffrut but foul & veyn
Ordure & [[and ffoull St.]] corrupcïoun,
Slym & putrefaccïoun.
Line 9472
'But yiff thy gynnyng be wel souht, [Stowe folio 168a]
Off swych fylthë thow kome [[swyche ffylthe . . kam St.]] nouht:
ffor fyrst, in thy creacïoun
Thow haddyst no produccïoun
Line 9476
(Yiff I shal declaren al)
Off no man that was mortal.
Thy makynge may nat be amendyd,
ffor off god thou art descended;
Line 9480
And pleynly (yiff thou vnderstondys,)
God made neuere wyth hys hondys
Her in erthe (what sholde I feyne [[ffeyne St.]] )
Off mankyndë mo than tweyne;
Line 9484
Vn-to wyche (wyth-outë wheer)
He commyttede hys power,
And gaff to hem an exaumplayre,
Other, lyk hem, to makë fayre,
Line 9488
Lyk thexamples in [[the Ensamplis St.]] general,
To hym reseruynge in specyal
