'A prent [[Apparent St.]] (to speke off dygnyte)
He myghte nat ha set on [[sette in St.]] the
Line 9412
Mor worthy, nor mor notáble,
Than to hym sylff [[selven St.]] résembláble.
He gaff to the, off hys goodnesse,
Cler syht off Resoun, & ffayrnesse, [[Fayrenesse St.]]
Line 9416
And off nature to be mor lyht
Than any ffoul that ffleth in flyht,
And neuere to deyen, ek wyth-al,
ffor he made the Immortal,
Line 9420
Permanent, & euere [[eke St.]] stable.
And tadwellyd [[to have dwellyd St.]] Immutáble,
Yiff thow nat haddyst, off entent,
fforfetyd hys comaundëment;
Line 9424
Than haddystow, thorgh thy Renoun,
Excellyd in comparysoun:
Comparysoun myghte noon ha be
To thy noblesse & dygnete, [folio 147a]
Line 9428
Off hewene nor Erthë, in certeyn,
Nor (to declare & speke in pleyn,)
Bryd, nor other crëature,
Except off angelys the nature.
Line 9432
'God ys thy ffader, (tak hed her-to)
And, thow art hys sone also,
Most excellynge off kynrede
That euere was (wyth-outë drede),
Line 9436
Most noble, & off grettest style;
ffor off Thomas de guillevyle
Thow art nat sone on that party
I dar afferme, & seyn trewly,
Line 9440
Who-euere gruchche, or makë stryff [Stowe folio 167b]
That he nat hadde, in al hys lyff,
To seke, in al hys nacyoun,
No sone off swych condycyoun,
Line 9444
Douhter nouther (yt ys no fable,)
Off kynredë [[kynrede St.]] so notáble.
But, off Engendrure bodyly,
Thow haddest off hym thy body,
Line 9448
Wych kam off hym by nature:
The wych body (I kan assure [[dar Ensure St.]] )
