The Pylgryme. [[St., om, C.]]
"Ma dame," quod I, "for my dysport,
Wher I fond [[Fonde I St.]] esë & counfort,
Line 9300
I wolde abyde a whylë there, [Stowe folio 165a]
Tyl I sawh tyme & good leyser."
Grace dieu. [[In Stowe's hand. Grace Dieu St.]]
To me she sayde a-noon ryht than:
'O wrechche! o thow vnhappy man!
Line 9304
Tak hed, & be mor éntentyff,
How herë, in thys mortal lyff,
Thogh that a man renne euermore,
He may neuere hast hym to sore
Line 9308
To kome to tymely to that place.
'I puttë caas, that he ha space
fforth to procedë, day be day,
At good leyser vp-on hys way.
Line 9312
Her-vp-on I axë the,
Yiff thow haddyst lyberte,
Ioyë, merthe, & al soláce,
Woldestow fro thylkë place,
Line 9316
Yiff thow haddyst fre chois at wylle
Remewen, or a-bydë stylle?'
Ye pilgrime [[In Stowe's hand. The Pylgryme St.]]
"Allas!" quod I, "what may I seyn?
I kan nat wel answere a-geyn.
Line 9320
But o thyng I wot ryht wel;
The cyrcumstancys euerydel
Consydryd vp-on euery syde,
Par cas, rather I [[rather than I St.]] sholde abyde, [folio 145b]
Line 9324
Than ben to hasty to procede,
Tyl I sawh I mustë nede
Goon forth off necessyte: [Stowe folio 65b]
In caas than wolde I hastë me."
Line 9328
Grace Dieu:
Quod Grace dieu thanne vn-to me:
'By thyn answere, I do wel se
That thyn entencyoun ys trouble,
And thy wyl ys also double;
Line 9332
Thy inward thouht ek varyáble,
Thy purpos dyuers & vnstable,
