As A seruaunt, the to serue,
Lyk a sergaunt, to obserue
Line 9224
Lowly, what thow byst [[byddest St.]] hym do, [folio 144a]
And nat sey nay, nor go ther-fro,
But be at thy comaundëment.
Line 9227
'Thys sholdest thow, off [[off St., om. C.]] good entent,
(Lyk vn-to an holsom leche,)
Rather desyre, than any wreche.
ffor (yiff thow look wyth Eyen cler,)
He stondeth nat vnder daunger
Line 9232
Off dethe to the, no maner wyse;
ffor thow art boundë to deuyse
Hys goostly elthë [[helthe St.]] & wel-ffare;
And ouer thys, nat for to spare,
Line 9236
(Wherso that he wake or slepe)
ffrom al pereyl [[perylle St.]] hym to kepe,
Wherso that thow be dul or ffressh;
ffor thys, thy Body & thy fflessh,
Line 9240
He that I mene, the syluë [[selve St.]] same,
Off hym I kan noon other name."
The Pylgryme. [[St., om. C.]]
"Ma dame," quod I, "what may thys be?
Whether dreme I, other [[or St.]] ellys ye?
Line 9244
ffor (as fer as I kan espye,)
I merveylle off your fantasye,
Or by what weye ye woldë gon. [Stowe folio 164a]
Ys nat my body & I al on?
Line 9248
I trowë yis; & ellys wonder,
Or how myhte we be assonder?
Ys he a-nother than am I?
I pray yow, tel me ffeythfully,
Line 9252
(And me declareth the sothnesse [[sothfastnesse St.]]
Wyth-outen any dowbylnesse,)
What that ye menë verrayly;
ffor her ys no whyht but ye & I,
Line 9256
Except only my chaumberere,
Wych that folweth us [[vs St.]] ryht here.
"A-noon to me doth sygnefye, [folio 144b]
Wher yt be trouth or fayrye
Line 9260
That we shold ben on or tweyne:
