'He ys foul & ek terryble [[to Orryble St.]]
Lothsom also, & Odyble,
Off condycyoun ful dyuers,
Right contrayrë & peruers; [[parvers St.]]
Line 9148
Was engendryd (I dar assure)
And brouht forth, as [[as St., om. C.]] by nature,
Off woormys that in erthë krepe,
And lyggen in the soil ful depe.
Line 9152
He ys a worme, & shal also [Stowe folio 162b]
Be wormys mete; tak hed her-to!
Off wormys (in especyal)
He took hys orygynal; [folio 143a]
Line 9156
And in-to wormys he shal tourne,
And wyth wormys ek soiourne;
In the erthë [[the Erthe St., therthe C.]] putrefye;
And wormys shal hym ek defye,
Line 9160
Torne hym to foul corrupcyoun:
Swych ys hys condycïoun.
'And nat for-thy (tak hed & se,)
Euery nyht he lyth wyth the
Line 9164
A-bedde; and trustë ek trewly, [[Truely St.]]
Ye partë [[departe St.]] neuere company.
And vn-to the yt ys gret shame,
And a maner off dyffame
Line 9168
To the, & gret confusïoun;
Affter hys replecyoun,
He may nat purge hym on no syde
But thow hym lede, & be hys guyde;
Line 9172
In chaumbre, goyng to pryvee,
Hys chaumberleyn thow mustest be:
Wyth-outë the (yt stondeth so)
That he sothly may no-thyng do:
Line 9176
Thow art hys pyler & hys potent;
And ellys he were Inpotent,
Blynde, & lamë doutëles, [[doutles St.]]
Deff, and also spechëles,
Line 9180
And óff no reputacïoun,
Ne wer thy supportacïoun.
'And yet to speke in general,
He kan to the no thank at al:
Line 9184
