'Nat-wyth-stondynge the dyllygence,
The costys & the gret expense
That thow dost hym for to plese,
And hys Gredynesse tapese:
Line 9032
Thow beyst [[byest St.]] hym many fressh Iowel,
And sparest nat off thy catel
To beyn [[byen St.]] hym knyuës & tablettys,
Rychë gyrdelys & corsettys,
Line 9036
Clothes off sylk & off skarlet,
Embrawdyd, & wyth perlys [[pelles St.]] ffret:
Al hys desyrs thow pursues,
Somwhyle to lede hym to the stewes,
Line 9040
To wasshe & bathe hym tendyrly,
And to leyn hym sofftely
On ffether beddys, mad ful wel,
ffor to slepe hys vndermel;
Line 9044
And afterward to kembe hys hed:
Wyth wynës also, whyt & red,
Wyth maluesyn & ypocras,
Thow dost to hym ful gret solas,
Line 9048
And art mor bysy hym to queme
Than thy-sylff, I dar wel deme.
'As a norysshe on [[noryse / to St.]] hyr enfaunt,
Thow art euere áttendaunt
Line 9052
To ffostren hym, lyk hys delyt,
And to serue hys appetyt; [folio 141b]
And shortly, whan thow hast al do,
Thow hast noon so mortal ffo;
Line 9056
ffor the, to trayshe [[traysshen St.]] wyth al hys myht,
He lyth a waytynge day & nyht;
And hys ffamylyaryte
Ys ful noyous vn-to the.
Line 9060
ffor Enmy noon ys so perillous,
So dredful, nor contágyous,
In al the [[the St., om. C. [Stowe folio 161a] ]] erthë, fer nor ner,
As an enmy ffamylyer, [Familiaris Inimicus St., om. C.]
Line 9064
Nor so gretly to be drad [[dradde . . sadde St.]]
Off ffolkys that be wyse & sad. [[dradde . . sadde St.]]
'And yiff thow lyst to lern off me,
Tak good hed; for thys ys he [[St. & C.]]
Line 9068
