'Yiff vn-to me good audyence,
And also do thy dyllygence
Terkne [[To herken St.]] a-noon what I shal say;
And thy sylff shalt nat seyn nay;
Line 8992
But I shal preue the contrayre,
That thou hast an aduersayre, [Stowe folio 160a]
And On ek off thy mostë foon,
Whom that thow off yore agon
Line 8996
Hast yhad in gouernaunce,
And dost ful bysy áttendaunce
ffor to cherysshe day & nyght,
Wyth al thy power, and thy myght;
Line 9000
A dayës, for to fede hym offte,
And a nyht, to leyn hym soffte;
Wyth metys most delycyous,
And, wyth deyntës outragous, [[outrageous St.]]
Line 9004
Thow dost ful besy áttendaunce
To ffostren hym to hys plesaunce.
'What-euere cost ther-on be spent,
Thow takest noon heed in thyn entent,
Line 9008
But al hys lustys to obeye.
'And yet I dar afferme & seye,
He was ordeyned for to be
Soget & seruaunt vn-to the,
Line 9012
And tabyde in thy servyse.
'But now ys tournyd al that guyse,
Pleynly, yiff thow lyst to se;
ffor he hath now the souereynte,
Line 9016
Lordshepe & domynacïoun,
That ffyrst was in subieccïoun.
And to concluden, at O word,
Thow art soget, & he ys lord; [folio 141a]
Line 9020
And yet he was delyvered the, [[C. & St.]]
Thy seruaunt euere to ha be;
But he ys now thy most enmy,
And doth hys power outterly,
Line 9024
Euere in on, the to werreye,
And day & nyght to dysobeye,
And for thy lustys ay to varye,
Vn-to the to be contrárye, [Stowe folio 160b]
Line 9028
