'Wych off hys harneys (fer & ner)
Ys hym syluen the somer,
Line 8916
And bereth hys armure on hys bak,
On hys Enmyes to takë wrak;
And in hys harneys, day & nyht
Ys foundë redy, lyk a knyht, [folio 139b]
Line 8920
Off prouydence hym sylff to kepe,
And ther-in, day and nyht doth slepe,
Redy to sende hym wyth hys hond,
Namly, whan he ys in a lond
Line 8924
Wher the werre ys ay mortal,
'And truste wel in especyal,
That the land & the contre
Toward Ierusalem the cyte,
Line 8928
Thow mayst nat passe yt, fer nor ner,
Wyth-oute pereil & gret daunger.
Yt ys ay ful off Ennemyes,
Off brygauntys, & fals espyes,
Line 8932
And off ffomen fful despytous.
'And in thys passage perillous,
Me semeth (in no maner wyse,)
That yt may to the suffyse,
Line 8936
Thy stonys platly, nor thy staff slynge,
(Wych wyth the that thow dost brynge),
But yiff thow do thy deuer,
To haue wyth the thy Somer,
Line 8940
To ber thy armys on thy bak,
Bet than in bowgys or cloth sak.
'Yt [[And yt St. [Stowe folio 159a] ]] wer a gret derysïoun
To the, and gret confusïoun,
Line 8944
Yiff thy chaumbrere sholde hem brynge,
And thow, for lak off fforseyynge,
Stoode thy syllff disconsolaat,
Dysarmyd, nakyd, & chek-maat,
Line 8948
Consydred [[Consydre St.]] that thy chaumberere
Ys lasse off myght & off powere
Than thow thy-sylff[ë] sholdest be,
Yiff thow be gouernyd by equyte.'
Line 8952
The pylgrym:
"Certeys ye seyn ryht wel at al.
