And in hyr tresour vp hem layde.
And Gracë dieu than to me sayde:
Grace dieu:
Quod she a-noon, 'tak hed her-to!
Now artow redy for to go
Line 8840
As a pylgrym on thy Iournee
To Ierusaleem the cyte;
Redy in al (yt ys no drede),
Save off o [[oon St.]] thyng thow hast nede,
Line 8844
Only off bred, [[om. St.]] (wyth-outë more,)
Ther-wyth thy skryppë to astore:
Off wych bred [[om. St.]] I ha the told.
'But I the rede, be nat to bold
Line 8848
To takë noon (in no degre,)
Wyth-outen lycence or conge
Off the ladyes (in substaunce) [folio 138b] [Stowe folio 157b]
Wych ha that bred in gouernaunce.
Line 8852
And alderfyrst: thow ek observe, [[St. & C.]]
That thow konne yt wel dysserve, [[St. & C.]]
And thy sylff, aforn to make [[St. & C.]]
To be worthy yt to take
Line 8856
Off the ladyes, benygne off cherys,
Wych ther be set ffor awmenerys:
With-oute hem, put the nat in pres.'
Thanne wente I to [[vn-to St.]] Moyses,
Line 8860
Hym be-souhte, to my good sped,
ffor to youe [[yeve St.]] me off that bred.
And he me gaff yt ful goodly;
And in my skryppë, a-noon I
Line 8864
Putte that bred most off vertu. [[C. & St.]]
Thanne to me spak Gracë dieu:
Grace dieu:
Quod Gracë dieu to me tho blythe,
'By my counsayl, offtë sythe
Line 8868
Lok ther-to that thow tak hede
Whan thow shalt etyn off thys bred,
Thy syluen gostly to dysporte,
And thyn herte to récounforte,
Line 8872
Therby tarme thy sylff ryht wel,
Bet than in Iren or in stel;
