'Al [[Alle St.]] thyngës off antyquyte,
Storyes that auctorysèd [[auntorysed St.]] be,
Line 8800
And thyngës digne off Rémembraunce,
And al the oldë gouernaunce
Wych a-for thys hath [[ha St.]] be do,
She kan devysë, no whyht so,
Line 8804
Fresshly renewyd in hyr thouht.
'And yet, to-forn, she seth ryht nouht,
Nor a-parceyueth no maner thyng
Off that shal folwe in hyr seyyng,
Line 8808
Off wysdam, Armys, nor vyctorye.
And hyr name ys "memorye";
And so thow shalt off Ryght hyr calle
Her-affter-ward, what euer falle.
Line 8812
And wherso that [[that om. St.]] thou wake or slepe,
Tak hyr thyn armure for to kepe;
And she wyl makë no daunger,
But the to serue, & [[& om. St.]] don hyr deuer."
Line 8816
The pylgrym to memoyre.
Than quod I to thys chaumberere:
"Wych that [[that St., than C. (Wych that = You who)]] han your eyen clere,
Only be-hynde (yiff yt be souht)
& to-forn ne se ryht nouht,—
Line 8820
ffor off thynges that passyd be, [folio 138a]
Ys your chargë [[Charge only St. [Stowe folio 157a] ]] for to se;
And I to-forn shal taken hede:—
But I stonde in a maner drede,
Line 8824
In what wyse ye shal sustene
To remembre, (thus I mene,)
Or so gret a charge to bere,
Off thyngës out off myndë feere, [[myn ffeer St.]]
Line 8828
Hem to reporte, wyth-outë blame;
But, for ye han so good a name,
And, to bere, [[beere St.]] ben ek couenable,
Strong also & seruysable;
Line 8832
To yow thys armure I commytte,
Out off your garde that they nat flytte." [[Blank in MS. for an Illumination.]]
And she tooke [[tooke St., took C.]] [hem] ful lowly
In-to hyr kepyng fynally,
Line 8836
