'And by my counsayl, lat her so,
Line 8724
Syth that she kan do hyr deuer,
Bothe be thy seruant & somer.'
The pylgrym:
"Ma dame," (to speke feythfully,)
"I ha noon sywch wyth me," quod I.
Line 8728
Grace dieu:
'Certys,' quod she, 'thou hast swych on;
I shal hyr shewe to the a-noon,
Yiff in thy sylff ther be no lak:
Looke be-hynden at thy bak!' [Stowe folio 155b]
Line 8732
The pylgrym:
And so I dydë,—lyk as she
The samë tyme comaundyd me,—
Be-held bakward, & saw [[saw om. St.]] sywch on;
Wheroff astonyd I was a-noon,
Line 8736
And fyl in-to a ful gret doute,
Be-cause, whan I be-held aboute,
I sawh that eyen hadde she noon,
Ne [[No St.]] mor than hath a stok or ston;
Line 8740
Wych was to me a thyng hydous;
She semptë, a best monstruows,
Outward, by hyr contenaunce.
But tho I hadde a rémembraunce
Line 8744
How Gracë dieu hadde don to me
Touchynge myn eyen, wyth wych I se,
Wyth them to make me se the bet,
In myn erys whan they wer set,
Line 8748
By hyr ounë puruyaunce;
Wher-off havyng a rémembraunce,
I gan consydre & lokë wel [folio 137a]
Hyr shap & maner euerydel.
Line 8752
Tyl at the laste, I dydë fynde
In hyr haterel, fer be-hynde,
Tweyne Eyen fful cler & bryht;
Wych was to me a wonder syht.
Line 8756
And on thys thyng gretly musynge,
To grace dieu my-sylff tournynge,
Sodeynly I tho abrayde,
And, astonyd, to hyre I sayde:
Line 8760
