And that thow err, neueradel."
The pylgrym:
"Allas," quod I, "what may thys be,
That, off my foly nycete,
Line 8688
I am be-kome an Erdë [[herde St.]] man,—
And noon other crafft ne kan,—
A rud shepperde, thorgh my folye,
And ha for-sakë chyualrye,
Line 8692
Armys that longen to a knyht,
Ther-off complaynynge day & nyht.
And syker, so I may ryht wel,
Whan I consydre euerydel
Line 8696
Hou dauyd (who lyst taken kep)
Was fyrst an Erde, [[herde St.] & keptë [kept St.]] shep;
But, thorgh hys manly gouernaunce,
Hym-sylff affter he dyde avaunce
Line 8700
To be callyd a myghty kyng,
Thorgh hys vertuous lyuyng,
And wyth al thys, a famous knyht.
Wherfor, I pray yow anoon ryht,
Line 8704
Lyk your hest, doth your deuer
To ordeyne me a somer,
Myn harneys ther-in for to karye;
And her-vp-on that ye nat tarye, [Stowe folio 155a]
Line 8708
But in al hast that ye me spede,
That whan yt falleth [[ffayllethe St.]] I ha nede,
Myn armure be nat fer me ffro,
Whan that I ha nede ther-to."
Line 8712
Grace dieu:
Quod grace dieu anoon to me,
'Thow hast abydynge ay wyth the
A seruant and a chaumberere, [folio 136b]
Wych in soth, (as thow shalt lere,)
Line 8716
Lesyth hyr tyme, & doth ryht nouht,
A Damyselle: [[Stowe]] lat hyr be souht,
To trusse thyn harneys euerydel.
ffor yiff hyr lyst, she kan ryht wel
Line 8720
(I haue off hyre no maner doute,)
Trusse, and bern yt ek a-boute,
And folwe the owher [[wher St.]] so thou go;
