'And in eche temptacyoun,
Line 8608
Latt love off God, and drede off peyne, [folio 135a] [Stowe folio 153a]
Fro dedly Synnë the Restreyne. [[Stowe MS.]]
And yiff thow hast her-Inne memórye, [[Stowe MS.]]
Line 8611
Off Golye thow hast the vyctórye. [[Stowe MS.]]
'The ffyffthë ston (I the ensure) [the fyffthe stone. Jn. Stowe. ¶ Quintus lapis, sacra scriptura St., om. C.]
That thow shalt han, ys 'scrypture'
Hooly wryt, & thus I mene,
The Emerawd that ys so grene, [Stowe folio 153b]
Line 8616
A rychë ston, off gret counfort,
That to the eye doth most dysport,
And, thorgh hys myght & hys puissaunce,
Voydeth a-way al grevaunce
Line 8620
ffrom an eyë [[Eyee St.]] fer & ner,
And maketh A manhys [[manys St.]] syhtë cler,
Clenseth a-way al ordure,
The gownde, & euery thyng vnpure.
Line 8624
'Now haue I told the, by & by,
Off thys stonys coryously, [[Ceryously St.]]
Wych that ben in noumbre fyue:
Put hem in thy skryppë blyue,
Line 8628
Caste hem ay whan thow hast nede;
And specyally (as I the rede)
Caste hem euere in ech sesoun
A-geyns al temptacyoun,
Line 8632
Ech affter other, in thy dyffence;
And mak alway strong résystence,
Spendynge thys [[thes St.]] stonys, on by on;
And I ensurë [[assure St.]] the a-noon,
Line 8636
Thow shalt nat faylle (yiff thow be wys,)
Off vyctorye to gete a prys.'
The pylgrym
Than quod I to hyre a-geyn,
"Thys fyue stonys (in certeyn)
Line 8640
Ben ryht good & gracïous,
& at assay ryht vertuous;
But I merueylle, syth ye be wys,
Why that ye, in your a-vys, [folio 135b] [[St. & C.]]
Line 8644
Lykne my Mouth un-to a slynge; [[St. & C.]]
ffor I kan nat aboutë brynge, [[St. & C.]]
