"Ma dame," quod I, "ne greff [[greve St.]] yow nouht
Thogh I dyscure to yow my thouht;
And lat yt yow no thyng dysplese,
Thogh I declare myn gret vnhese, [[vnese St.]]
Line 8228
And disclose yow my mescheff;
Thys armure doth me so gret greff,
So gret annoy & dysplesaunce,
That I ne may me nat [[nought St.]] a-vaunce
Line 8232
Vp-on my way nor my Iourne,
Swych hevynesse encoumbreth me.
"Myn helm hath rafft me my syyng
And take a-way ek myn heryng;
Line 8236
And most off al dyspleseth me, [folio 129b]
I se nat that I woldë se.
And also, (yiff ye lyst to lere,)
Thyng that I wolde, I may nat here;
Line 8240
And smelle also I may no thyng
That sholdë be to my lykyng.
"Thys gorger (ek as ye may se,) [Stowe folio 147b]
Gret encoumbraunce doth to me,
Line 8244
And strangleth me almost vp ryht,
That I may nat speke a-ryht,
I fele so gret a passïoun:
And (for short conclusïoun)
Line 8248
Thys armure may me nat profyte,
In wych I do me nat delyte.
"Thys glouys byndë me so sore, [prose cap cxxxi]
That I may [[may om. St.]] weryn hem no more,
Line 8252
With her pynchyng to be bounde,
Myn handys ben so tendre and Rounde;
And al the remnaunt (I ensure)
That ye gaff me, off armure,
Line 8256
Me streyneth so on euery syde,
That I may nat ther-with a-byde.
"I ha to yow told al the caas;
I am nat strengere [[stronger C.]] than dauyd was,
Line 8260
Wych hadde so mychë suffysaunce;
But, for cause off dysusaunce
In hys youthe whan he was tendre,
And off makyng smal & sklendre,
Line 8264
