'A-geyn whos malys and envye,
fflyht ys the bestë [[best St.]] remedye
Line 8188
Off al other (yiff yt be souht);
Other harneys the nedeth nouht
Vp-on thy leggys (trustë me,)
ffor no maner necessyte,
Line 8192
With Venus to holde chaumpartye.'
And whan I sawh, & [[I St.]] gan espye,
And vnderstood hyr wonder wel [prose cap cxxix]
Touchynge tharmurë euerydel
Line 8196
Wych she haddë for me brouht,
I [[And I St.]] gan assaye, and taryede nouht
Me tarmë fro poynt to poynt;
But me lykede nat my purpoynt:
Line 8200
I fond ther-in [[ffounde ther St.]] so gret a lak,
Yt heng so heuy on my bak,
I woldë fayn haue lett yt be;
But lyst [[lest St.]] that she were wroth with me,
Line 8204
I suffrede; &, in cónclusioun,
Ther-on dyde the haberioun
Wych she me tok, ful [[toke / ful om. St.]] bryht & clere.
And affter that, the double Gorger,—
Line 8208
To hyr byddynge I took swych hede;—
And thanne the helm vp-on myn hed,
Mad ful strong, and forgyd wel; [folio 129a]
Next, my glovys, ffynere than stel,
Line 8212
And gyrte me with my swerd ryht tho. [Stowe folio 147a]
And alderlast, I took also
My targe, that callyd was 'prudence,'
And hengyd yt on in my dyffence
Line 8216
Round a-boute my nekke a-noon.
And platly, whan I hadde al don [prose cap cxxx]
Lyk as she bade, with myn harneys,
I felte ther-off so gret a peys,
Line 8220
That I myghtë nat endure
The greuous wheyhte off myn armure,
That for dystressë I a brayde,
And to gracë dieu I sayde: [[Blank in MS. for an Illumination.]]
Line 8224
The pylgrym
