'Off houndys in swych sodeyn iape, [folio 127b] [[Rape St.]]
ffrely fro the deth to skape?' [[teskape St.]]
Line 8112
The pylgrym
"Trew[e]ly, vn-to my Syht,
To hem, best help [[help, om. St.]] ys the flyht."
Grace dieu
'Thanne, yiff they hadde vp-on Armure,
On ther leggys, (hem sylff tassure)
Line 8116
Outher off platë, maylle, or stel,
ffro byt off houndys to kepe hem wel,
Answere ageyn, shortly to me,
Sholde they be swyfft, away to fle?'
Line 8120
The pylgrym [Stowe folio 145b]
"Certys," quod I, "I wot ryht wel,
Yt sholde hem furthre neueradel
So to ben armyd, (as I gesse,)
But rather hyndren ther Swyfftnesse."
Line 8124
Grace dieu
'Now her-vp-on tak hed to me,
Conceyue what I shal tellë the:
In thy passage, ther [[wher St.]] thow shalt pace,
Yt ys holde a perylous place;
Line 8128
And I the putte in ful surnesse,
Ther lyth A mortal hunteresse,
In a-wayt to hyndre the,
Wyth gret noumbre off hyr meyne,
Line 8132
Gretly to drede, & daungerous;
The name off whom ys dame Venus, [[Venus St., om. C.]]
And hyr sone callyd Cupide,
The blyndë lord, waytynge asyde
Line 8136
With hys Arwes fyled kene,
To thé ful dredful to sustene.
'And thys lady doth euere espye,
With huntys in hyr companye,
Line 8140
Most perillous to hurte & wounde, [folio 128a]
Al pylgrymës to confounde.
ffor ther ys huntë [[Hunt St.]] nor foster
That chaceth ay the wyldë deer,
Line 8144
Nor other bestys that byth Saváge,
That may be lykned to the rage
