"But I am astonyd sore
Off o thyng wych cometh to mynde,
Wych that ye ha lefft be-hynde:
Line 8076
Thys to seyne, off al armure
Ye han me makyd [[made St.]] strong & sure,
Saue my leggys & ffeet also:
Ye haue no thyng yseyn [[seye St.]] ther-to,
Line 8080
Nor ryht nouht for hem ordeyned; [folio 127a]
The wych ouhtë be compleyned;
ffor folk off hih dyscrecïons
Speke fyrst off Savacïons,
Line 8084
Off greevys, & kusshewys [[kysshewys St.]] ek also,
Whan that men shal haue a [[to St.]] -doo;
But ye (by short conclusïoun)
Make ther-off no mencyoun.
Line 8088
"But, for to tellë yow my thouht,
ffor my party, I rechchë nouht;
ffor, in spede off my vyage,
Yt were to me noon ávauntage,
Line 8092
Yiff I sholdë gon at large,
ffor to bere so gret a charge."
Grace dieu axete [[axete, om. St.]]
'Sawh thow euere [[neuere St.]] (so god the blesse!)
In forest or in wyldernesse
Line 8096
(Tel on, yiff yt cometh to mynde)
Huntyng for hert outher for ynde, [[Hynde St.]]
Chasyng for Rayndeer or [[other St.]] for Roo,
Huntyng for buk outher for do?'
Line 8100
The pylgrym answereth
"Trewly," quod I, "to speke in pleyn, [Stowe folio 145a]
Somtyme, huntyng haue I seyn."
Grace dieu
'Thanne,' quod she, 'I the comaunde,
Answere vn-to thys demaunde:
Line 8104
Bestys that ben in wyldernesse,
Whan huntys don ther besynesse
To chacen hem, and kachche her pray,
What ys that thyng that best may
Line 8108
Helpen bestys in ther defence,
ffor teschewe the vyolence
