And a pharise also,
Kam to the temple bothë two.
The ton hym sylff gan iustefye,
And off pryde to magnefye,
Line 7960
That he was lyk non other whiht;
And bostede in hys ounë syht,
He was hooly in hih degre:
Thus sayde the proudë pharysee;
Line 7964
And off pryde he fyrst be-gan [[Stowe leaves out this line.]]
To despyse the pubplykan;
Sayde, 'he was to hym nat hable
Off meryt, nor comparáble
Line 7968
'Off whos pryde, afferme I dar,
That he thys swerd to proudly bar,
Havynge nat (who lyst to se)
The skawberk off humylyte,
Line 7972
He lyst nat Se, no thyng at al,
That ha [[he St.]] was a man mortal;
But off hih presumptuousnesse [Stowe folio 143a]
He shewede out hys Ryghtwysnesse, [[And hym sylff / koude nat Redresse. St.]
Line 7976
Gan to boste, & cryë lowde.
'And so don al thys folkys proude, [folio 125b]
To gete hem fame by veyn glorye,
And putte her namys in memórye.
Line 7980
But thow ne shalt no thyng do so,
But let [[bere St. (let = leave)]] thy Swerd (tak hed her-to) [[ther-to St.]]
(The Swerd, I mene, of Ryghtwysnesse,
ffor any maner holynesse,)
Line 7984
Cloos with-Inne (wher so thow be,)
The skawberk off humylyte.
'ffor what deme off dyscrecïoun
A-vaylleth any perfeccioun—
Line 7988
Abstynaunce, outher penaunce,
Or any vertu, in substaunce—
But yiff they ygroundyd be
On [[off St.]] lownesse and humylyte,
Line 7992
Ground and rote off eche good werk.
And put thy Swerd in the skawberk
Off meknesse & lavlyhede. [[Lowlyhede St.]]
'And affter that, tak good heede [prose cap cxxvi]
Line 7996
