'Synsualyte to oppresse
With thys swerd off Ryghtwysnesse:
Daunte alway hys rebellïoun,
And brynge hym to subieccïoun;
Line 7920
Lat nat thy flesshe ha the maystrye,
But mak hym lowly bowe & plye
To the spyryt in euerythyng;
And lat thy resoun, as lord and kyng,
Line 7924
(By tytle off domynacïoun,)
The flessh haue in subieccïoun.
Than nedeth yt no mor to muse;
Thys swerd off ryht thow dost wel vse,
Line 7928
Thy sylff to gouernen & to saue.
'And thys swerd also shal haue [prose cap cxxv]
(To kepe yt clene in hys degre)
A skawberk off humylyte,
Line 7932
Wher-innë, [[inne St., in C.]] (for most ávauntage)
Thy swerd shal haue hys herbergage;
Only to teche & sygnefye,
That eche good werk (who kan espye,)
Line 7936
May lytë [[lytel St.]] vaylle, but yiff yt be
Closyd vnder humylyte. [¶ Ero. Humilitus sola est obseruatrix et cust(os)que virtutum. St., om. C.]
'Thys skauberk (in especyal)
Ys makyd off A skyn mortal: [Stowe folio 142b]
Line 7940
Thys to seyne, (who so kan se,)
Al Erthly folkys that her [[here St.]] be
(Off ech estate both yong & old,)
Shal deyen, as I ha the told. [folio 125a]
Line 7944
Ha thys ay in thy mynde & thouht,
And lat thy skawberk ther-off be wrouht;
And ther-vp-on conclude, and se
To namen yt 'Humylyte.'
Line 7948
'ffor ther ys noon so proud alyue,
A-geyns deth that may wel stryue;
And who that hath ay deth in mynde,
Som whyle I trowë, he shal fynde
Line 7952
To knowe hys ounë ffreelte,
A skawberk off humylyte.
'And, to purpos, I tellë kan
How that onys a pubplycan
Line 7956
