'(He ther-off no thyng wytynge,)
A womman in hys bedde [[bedde St., byd C.]] lyggynge
Nakyd, ful off lustyhede,
2And plesynge off hyr port in dede,
Line 7800
Wych gaff hym gret occasioun,
Wyth toknys off temptacïoun, [folio 123a]
Thorgh hyr port off whommanhede.2 [[2_2 St. leaves out these 4 lines.]]
But he thér-off took noon hede;
Line 7804
ffor she ne myghte hym nat excite,
In hyr bewte to delyt;
He took off hyrë no reward,
ffor to tournë to hyr ward;
Line 7808
ffor, surere than any stel,
Hys handys wern yarmyd wel,
That, whan he sholde haue A-do,
ffro Touch & Tast he kepte hym so
Line 7812
That she myghte hym nat dyllude. [Stowe folio 140b]
Wher-vp-on, she gan conclude,
And affermede off hym a-noon,
That outher off yren or off ston
Line 7816
He was ymad, & lyk no man:
And thus he the palmë wan
Off chastyte; and she A-noon,
Shamyd & cónfus, ys a-goon;
Line 7820
And he with victoire [[vyctorye St.]] a-bood stylle.
'And therfor (as by my wylle)
Thow shalt thé Armen (& nat feyne)
Line 7823
Wyth swych a payrë [[payre / off St.]] Glouys tweyne.
'ffor the also I shal prouyde
Tave A swerd ek by thy syde;
(A bettre was ther neuere founde,
Off stel forgyd, whet nor Grounde,)
Line 7828
Wychë [[Whiche St., Wych C.]] shal ynowh suffyse
Thé to dyffendë many [[in eny St.]] wyse,
Yiff any Enmy thé assaylle
(Outher in skarmussh outher [[or in St.]] bataylle,)
Line 7832
I the ensure, in al thy nede,
Whyl thow hast yt, thow shalt nat drede
Off noon Enmy, nor no dystresse,
The name off wych ys 'Ryhtwysnesse.'
Line 7836
