'So dredful, nor malycyous,
As ys A Tongë venymous;
No tryacle may the venym saue.
Line 7719
Ther-fore yt ys ful good to have [[to have St., tave C.]] —
Ageyn hys mortal cursydnesse,—
A Gorger off Sobyrnesse,
The wych Armure ys profytable
To allë [[To alle St., Talle C.]] folkys worshepable.
Line 7724
'Lat no man with hys tongë byte,
Nor with hys wordys falsly smyte,
Malycyously to makë wrak
Off hys neyhebour, at the [[his St.]] bak;
Line 7728
ffor who so doth, he ys nat wys.
'And Seyn Wylliam off Chalys,—
A man off gret abstynence,
Wych neuere dyde offence,
Line 7732
(As hys lyff platly doth teche,)—
In hys Tonge nor in hys speche,—
ffor ay he dyde hys bysy peyne,
Wykkede tongys to refreyne. [folio 122a]
Line 7736
And mys-spekerys, thorgh outrage,
That with her Tongë fyl in rage,
He brydlede hem, & dyde hem wreste,
What-euere they herde, to sey the beste.
Line 7740
Off whom ys good exaumple take,
And off hys lyff a Merour make,
That euere hadde in cóndycioun
To herë no detraccïoun
Line 7744
In hys presencë, nyh nor fere,
Neuere to lestene bakbytere.
And therfor, (as I shal devyse,) [Stowe folio 139b]
Arme the in the samë wyse
Line 7748
Tavoyden (shortly in sentence)
Al bakbyterys fro thy presence,
And al maner detraccïoun.
Wher thow hast domynacïoun.
Line 7752
'The nexte armurë, the to saue, [prose cap cxxi]
Vp-on thyn hondys thow shalt haue:
A peyre off glouys forgyd wel,
Surere than yren outher stel,
Line 7756
