'Ageyn whos mortal meshaunce,
Thys helm callyd 'attempraunce'
Ys nedful, in thy dyffence,
for to makë résistence
Line 7680
At Nase, at Ere, & at the Syht,
That yt hem kepe & close a-ryht.
ffor thys helm, for assuraunce, [Stowe folio 138b]
Wych ys callyd 'attempraunce'
Line 7684
As worthy & noble off fame,
Seyn poul gaff ther-ton [[ther-to St.]] a name,
And callyd yt (for gret delyht)
Line 7687
'The helm off helthe & off profyt,' [Galeam salutis accipite ad. Ephesios vjo Capitulo (v. 17).]
And commaundede men take hed
ffor to sette yt on ther hed
As for ther cheff Savacïoun.
'And a Gorger, lower doun, [prose cap cxx]
Line 7692
He bad (as for mor sykernesse)
They sholde make off sobyrnesse;
ffor sobyrnesse, with attempraunce,
Haueth alway állyaunce;
Line 7696
ffor bothe they ben off on allye,
Ay to refreynë glotonye.
And trusteth wel, (with-outë faylle,) [folio 121b]
Thys Armure hath a double maylle;
Line 7700
And ellys (pleynly I ensure,)
Yt wer to feble to endure.
'And yiff thow lyst the cause espye,
Ys thys, only, for glotonye
Line 7704
Hath in hym sylff, off [[a St.]] frowardnesse,
A dowble maner off woodnesse;
Woodnesse off Tast & fals delyt,
Havynge to mesour no respyt;
Line 7708
And outrage ek off dalyaunce,
ffor lakkyng off Attemperaunce.
'And fyrst, he doth hym sylff most wo,
And sleth hys neyhëbours also,
Line 7712
Whan the claper ys out Ronge,
With the venym off hys Tonge,
Whan he hym teryth & to-rent. [Stowe folio 139a]
ffor ther ys addere, nor serpent
Line 7716
