'By wych aforn thow shalt wel se,
Herkne and smel, at lyberte,
Thynges to-forn or that they falle,
And cast a-forn, meschevys alle,
Line 7640
That no thyng vnwarly greue.
ffor Attemprauncë (who lyst preue)
Haueth thys condycïoun,
Only off high [[highe St., om. C.]] dyscrecyoun
Line 7644
Kepeth theye [[the eye]] cloos and secre
That yt haue no lyberte
To opne, (who-so lyst to lere,)
But whan tyme yt doth requere,
Line 7648
That fooly nor no vanyte
Be nat to largë nor to fre,
'ffor yiff thys helm be mad a-ryht, [Stowe folio 138a]
Yt shal nat haue to large a syht,
Line 7652
Lyst som Arwe, sharpe y-grounde,
Entre myghte, & gyue a wounde.
And at the Erys ek also
Thow mustest [[muste St.]] taken hed therto,
Line 7656
That yt be nat to large off space,
Lyst that by the samë place
Entrede (by collusyoun)
Som noyse off fals detraccïoun,
Line 7660
Or som fooltyssh dalyaunce,
Gruchchyng, or noyous perturbaunce.
'ffor thys helm, surer than Stel, [folio 121a]
Stoppeth the Erys ay so wel [[C. & St.]]
Line 7664
By prudent cyrcumspeccyoun
That Dartys [[Darts St.]] off Detraccyoun
(Grounde and fyled for to smerte)
Haue noon entre to the herte,
Line 7668
Wych be gretly for to drede
Whan they, off fals neyhebourhede,
Ben yforgyd off malys,
And ysquaryd by fals devys.
Line 7672
ffor ther ys noon mor dredful shour [[C. & St.]]
Than off a shrewede neyhëbour;
ffor, with ther dartys, swychë [[swyche St., swych C.]] konne
Hurtë wers than bowe or gonne:
Line 7676
