'In batayll & in tournementys,
And constaunt euere in ther ententys [Stowe folio 136b]
Vn-to the deth, & no thyng dradde,
Vp-on ther body whan they hadde
Line 7564
Thys haberioun ycallyd 'force,' [folio 119b]
Wher-wyth they dyde hem-sylff afforce,
To putte hem forth, & nat with-drawe,
In dyffence off crystys lawe,
Line 7568
Thorgh ther prowesse & hyh renoun.
'And sothfastly thys haberioun,
(Who that euere doth yt were,)
Off daggere, dart, Swerd nor spere,
Line 7572
Shoot of Arwe nor off quarel,
(Thogh they be groundë [[grounde St., ground C.]] sharpe off stel,)
They shal nat perce thorgh the maylle,
ffor the Ryngës (thys no ffaylle)
Line 7576
Wer Ryuettyd [[Revettyd St.]] so myghtyly
Clenchyd and nayled so strongly;
The yren werke [[werke St., weer C.]] was ek so good,
Annelyd & tempryd with the blood
Line 7580
That ran out off her wondys kene,
Thys made hem manly to sustene
Thassaut off brygauntys nyht & day,
That lay for pylgrymes on the way,
Line 7584
By vertu off thys haberioun. [Fortitudo .i. Force St.]
'And therfore (off entencyoun,)
By my counsayl, sey nat nay
To putte yt on, & yt tassay, [[hit assay St.]]
Line 7588
Aboue thy purpoynt 'pacyence';
ffor, yiff fforcë (by my sentence)
Vp-on the tother be wel set,
Thow shalt ffyhtë wel the bet
Line 7592
(I dar wel seyn) wherso [[wher St.]] thow go:
Now lat se what thow seyst her-to." [Stowe folio 137a]
The pylgrym.
"Ma dame," (to speke in wordys ffewe,) [prose cap cxviii]
"I pray yow that ye wyl me shewe,
Line 7596
And to do youre [[youre St., my C.]] bysy cure
That I may se al the armure [[tharmure St., C.]]
Wych I shal were in thys vyáge,
