'Thow shalt venquisshe & ber doun;
And, lyk a myghty champyoun,
Line 7484
Thow shalt with laurer crownyd be,
By suffraunce off aduersyte.
As [[And St.]] by record ful longe a-gon
Wer thys [[Were thes St.]] martrys euerychon,
Line 7488
Wych that wer in euery poynt
Strongly armyd in the purpoynt
Off paciencë, to sustene
The strok, when they wer leyd atwene
Line 7492
The hamer and the Styth also,
And a-twyxë bothë two,
The grene laurer off victorie, [folio 118b]
And the crowne ek off her glorye,
Line 7496
Yforgyd wer, (who taketh hede)
ffor guerdoun off ther eternal mede.
'And therfore I consayllë the,
With thys purpoynt that thow be,—
Line 7500
Wych ys callyd pacyence,—
Armyd ffyrst for thy diffence.
Thys my consayl; & thus I rede, [Stowe folio 135b]
Be cause only thow shalt ha nede,
Line 7504
As for thy cheff proteccïoun
Ageyn al trybulacyoun
Off false brygauntys that shal lye
Vp-on the waye, the tespye.'
Line 7508
The pylgrym.
"Certys," quod I, "yt stondeth so, [prose cap cxv]
That I wot nat what I may do
Touchynge your consayl, by no waye;
But at the lest, I shal assaye
Line 7512
Me taraye, in my dyffence,
With your purpoynt off pacience."
Grace dieu. [prose cap cxvi]
Quod Gracë dieu, "thow must also,
Or thow in armys haue a-do,
Line 7516
Vp-on thy purpoynt 'pacyence'
Haue a-boue, in thy diffence,
The haberioun wych hangeth yonder,
So inly ffayr, that yt ys wonder;
Line 7520
