'Ryht as a styth [[Stythee St.]] forgyd off Stel
ffeleth the strokys [[strokys St., stokys C.]] neueradel
Off thys ffethris Smothe & soffte,
Thogh men ther-on smyten offte,
Line 7372
So pacyence (in hyr werkyng)
Maketh neuere no gruchchyng
Off no thyng she doth endure.
'And therfore, (I yow ensure,) [prose cap cxii]
Line 7376
With thys Gambisoun, Cryst ihesus,
That paciente lord, most vertuous,
Was yclad (yiff ye lyst se)
Whan he heng vp-on a tre,
Line 7380
And with hys blood, mankynde hath bouht,
Suffrede deth, and gruchchede nouht, [Stowe folio 133b]
Nor spak no word in hys penaunce;
But, thorgh hys myghty gret suffraunce,
Line 7384
He was bete and hamryd wyth,
As a plate vp-on a [[a St., om. C.]] styth,
The forgyd Monye for Raunsoun
To maken our redempcïoun:
Line 7388
The [[Thes St.]] cruel Smythës, off Rancour
Sparede nat for no labour
Til they hadde hym forgyd wel,
Tryed hym out as any stel:
Line 7392
In wych metal ther was no lak; [Supra dorsum meum fabricauerunt peccatores]
And ay they forgede on hys bak;
And paciently he dede endure; [folio 117a]
He armyd was in swych armure
Line 7396
Wyth the Armys off pacïence.
'And therfore, in thy dyffence,
That thow suffre no dyffame,
Tak a purpoynt off the same,
Line 7400
Wherso thow go, in [[on St.]] see or lond:
Haue yt here redy to thyn hond;
Next thy body, lat yt be set,
In stedë off a strong [[stronge St.]] doublet;
Line 7404
ffor next thy cors yiff thow yt were,
All thyn Armure thow shalt bere
Mor esely; & ha no wonder,
Yiff pacïence be trewly vnder.
Line 7408
