Tempest fulfylleth hys garnerys,
And pestylencë hys celerys;
Hys sofftest beddë, [[bedde St., bed C.]] (in sothnesse,)
Ys ymakyd off hardnesse.
Line 7332
In peyne and wo, ys hys delyt,
And in suffraunce, ys hys respyt;
Hys deyntes stonde in poverte,
Hys solace in aduersyte;
Line 7336
And fastyng (in conclusïoun)
Ys [[Ys alle St.]] hys recreacïoun.
He wexeth fat by [[with St.]] abstynence,
And gruchcheth for no vyolence;
Line 7340
Peyne and tribulacyoun
Ben to hym consolacïoun;
And the mor he feleth peyne
The mor he ys (in certeyne)
Line 7344
Hardyd in hertë by constaunce,
With the Stel off iust suffraunce.
'And for that pacïence, with wo
Ys ypryked and punysshed, so
Line 7348
By verray trewe examynyng, [Stowe folio 133a]
As a purpoynt with sawyng [[sowynge St.]]
By long examynacïoun,
Line 7351
Therfore thys armure Gambisoun, [.i. pacience St., om. C.]
(Who consydreth fro poynt to poynt)
Ys ycallyd a purpoynt
With-outë prykyng (in substaunce,)
And punysshyng, with gret suffraunce,
Line 7356
In mescheff and [[and in St.]] aduersyte
He taketh al hys dygnyte;
And theroff (in conclusïoun) [folio 116b]
He receyueth hys Renoun,
Line 7360
Thys armure most merveyllous,
In al diffence most gracïous.
'And therfor (shortly in sentence)
The name ther-off ys pacïence,
Line 7364
The wych, in euery aventure,
Ys ymakyd for tendure,
Peyne and tribulacïoun,
Voyde off al rebellïoun:
Line 7368
