[folio 115a] Gorgetys ageyn al vyolence,
And Iakkys stuffyd, off diffence;
Targetys and sheldys, large & longe, [[stronge St.]]
And pavys also that wer stronge, [[longe St.]]
Line 7264
ffor folk to makë résistence, [Stowe folio 131b]
Tallë [[to all]] that wolde hem don offence.
The pylgrym
Than quod I, "as in bataylle,
What enmy shal me assaylle
Line 7268
Or a-geyn me make affray,
To distourble me in my way?"
Grace dieu
'Wenystow thy sylff tassure,
ffor to [[to St., om. C.]] gon with-oute armure
Line 7272
To Ierusaleem, & nat fynde
Brygauntys to-forn And ek be-hynde,
Daungerys grete, & encoumbraunces,
Empechementys & meshauncys?
Line 7276
Thevys and mardrerys ay lyggynge
Vp-on the weye, euere espyynge,
Thow shalt ffynde, so gret plente,
That thow off hem shalt wery be,
Line 7280
Ther assautys to endure.
Wherfore [[Therfore St.]] the nedeth strong armure,
Myghtyly hem to with-stonde.
And for thy profyt, y wyl ffounde,
Line 7284
With harneys to arrayen the, [Induite uos armaturam Dei, vt possitis stare. Ad Ephesios vj capitulo.]
That thow shalt nat afferyd be.'
The pylgrym
"Ma dame," quod I, "syth ye wyl so,
Armyd algatys that I go,
Line 7288
Shew me what armure I shal were,
And what wepenys I shal bere;
And how I shal me armen wel,
And the maner euerydel."
Line 7292
