'With a gyrdel off Ryhtwysnesse, [folio 114b]
Ther-on thyn armure for to dresse.'
Line 7236
The pylgrym.
"Certys," quod I, "yiff ye lyst se,
Yt wer contrarye vn-to me
To gon armyd in my vyáge;
Yt woldë lette my pylgrymáge, [Stowe folio 131a]
Line 7240
And don to me ful gret grevaunce; [Non habebebat vsum Armorum.]
ffor I hadde neuere yet vsaunce
Nor in custom, trustë me,
Al my lyue, armyd to be:
Line 7244
I knewe [[knowe St.]] ther-off nothyng the guyse.
To me yt doth ynouh suffyse,
To be gyrt (in sothfastnesse)
With a gyrdel off ryhtwysnesse."
Line 7248
But than thys lady off gret uertu, [prose cap cix]
Wych ys callyd Grace Dieu,
In-ta chaumbre ful secre
Entrede; and than she callyd me.
Line 7252
Grace Dieu: [[St., Kom ner quod she C.]]
"Kom ner," quod she, "and ha no drede;
Look vp an [[on St.]] hih, & tak good heede.
Vpon thys perche, the harneys se,
Wher-with that thow wylt [[myghte St.]] armyd be,
Line 7256
Pertynent to thy vyáge
And nedful to thy pylgrimage." [[Blank in MS. for an Illumination.]]
Ther saw I helmys and haberiouns [prose cap cx]
Plate and maylle, for champyouns
Line 7260
