'Thy reynys strongly for to streyne,
fflesshly lustys to refreyne. [[Restreyne St.]]
Line 7208
'No man hath power (trustë me)
ffor to gon at liberte,
But he be gyrt ryht myghtyly.
Therfor, (off purpos feythfully),
Line 7212
The tassure in wele and wo,
I wyl the gyrde, or that thow go,
So that thow (in thyn entente)
Off fre wyl lyst to assente,
Line 7216
To be thus gyrt; and ellys nouht,
Now sey, as lyth ryht in thy thouht.'
The pilgrime: [[In Jn. Stowe's hand. The St. MS. has it, [folio 130b] ]]
"Ma dame," quod I in lowly wyse,
"Al that euere ye deuyse,
Line 7220
I wyl ther-off no thyng refuse,
Nor ther-vp-on no lenger muse;
But off thys thyng, with al my myght
I yow requere off verray ryht."
Line 7224
Grace dieu: [[In Jn. Stowe's hand.]]
'ffyrst, to make thy syluen strong,
To be myghty a-geyn al wrong,
Yt be-houeth, in thy diffence,
ffor to makë resistence,
Line 7228
That thow hauë strong armure.
And ffyrst, (thy syluen to assure,)
Next thy body shal be set
A purpoynt or a doublet,
Line 7232
On wych thow shalt fful myghtyly
Be gyrt and streyned ryht strongly
