'And in thys bordoun, lookë wel
How she ys set for a pomel,
Line 7136
Pylgrymes to saue, they [[that they]] be nat lorn,
Wher-as ther was but On to-forn.
'But thys pomel most bryht & shene,
Pylgrymës only to sustene,
Line 7140
Ys set in ful goodely wyse;
ffor ellys myghtë [[myghte yt St.]] nat suffyse
The tother, but she wer ther also,
Hem to supporte, wher-so they go.
Line 7144
ffor she ys mene, (& that ful offte,)
To the pomel hih a [[off St.]] -loffte:
Thys to seyne, thys heuenely quene,
To hyr sone ys euere a mene;
Line 7148
Coumfort most princypal & cheff
Tal [[To all. Tyl St.]] pylgrymes in ther myscheff,
Hem to supporte, who taketh hede.
Line 7151
'And therfore whan thou hauest [[haste St.]] nede,
Trust on hyre, & neuere varye,
ffor she ys most necessarye
To holde [[To holde St., Tolde C.]] hem vp in ther passage,
Wher they ben old or yong off age.
Line 7156
Leue on hyre, what so befalle,
& in thy way thow shalt nat falle,
Yiff that thow in eche sesoun
Haue in hyre affeccïoun,
Line 7160
Thow mayst nat stomble nouther slydre [Stowe folio 129b]
Whan thys pomellys ben to-gydre;
She ys the pomel set mor lowe,
By whose helpe, (as thow shalt knowe, [folio 109b]
Line 7164
And as I shal the trewly teche,)
To the hiher thow shalt wel reche;
Bothë wrouht off Stonys clere:
And yiff thow loue on bothe yfere,
Line 7168
Thow mayst trust, thorgh ther myght,
Thow shalt nat falle, but gon vp ryht.
'Wherfor, for thy sauacyoun,
Hold the wel by thys Bordoun
Line 7172
Wych ys mad ful stronge, to laste;
And therfor, therby hold thé faste;
