And to hys helpë alway calle,
Line 7095
And trustë wel thow shalt nat falle. [Stowe folio 128b]
'The tother pomel lowere [[lower St.]] doun, [prose cap cvi]
Wych (with-oute comparisoun,
Yiff I shal the trouthë telle)
Ys the Mayde that doth excelle
Line 7100
Al other off bewte & bounte;
ffor she, in hyr vyrgynyte,
Bar a chyld in thys world here,
Mayde & moder bothe yfere,
Line 7104
The Charbouncle most cler off lyht,
Chasynge away dyrknesse off nyht,
And al thys world doth énlwmyne;
The ffresshë bemys so clerly shyne.
Line 7108
Al that go mys in ther passáge,
Or erryn in ther pylgrymáge;
Or ffolk that gon out off her way,
(As wel be nyhtë as be day,
Line 7112
I dar afferme yt in certeyn
She maketh hem to resorte ageyn
Vn-to the ryhtë weye a-noon:
ffor to pylgrymës euerychon
Line 7116
She ys the trewë Gyderesse;
And ther socour in al dyrknesse;
And yiff they slydre, or fallë doun,
Thys Emperesse off most renoun,
Line 7120
Only off mercy, doth hem releue,
That no thyng ne may hem greue
In ther passagë nyh nor ferre,
For she ys the loodë sterre,
Line 7124
With her bryhtë bemys clere,
To al [[Tal C., Talle St.]] pylgrymes in thys lyff here,
That han to hyre affectyoun.
Line 7127
'And for that skyle, in thys bordoun, [folio 109a] [Stowe folio 129a]
In thys pomel (yiff thow kanst knowe)
She ys yset her doun alowe [[ysette . . alowe St., yset lowe C.]]
By an Arche ymad off newe:
No charbouncle so bryht off hewe,
Line 7132
Nor noon other precyous ston,
Rekne the .xij. [[twelvë]] euerychon.
