'But ffyrst tak hed off the Bordoun, [folio 108a]
How yt ys good in ech sesoun,
Line 7056
ffor he nat falleth [[ffaylleth St.]] comounly
That leneth ther on stedefastly.
ffor wych thow shalt (as yt ys ryht,)
With al thy fforce & al thy myght,
Line 7060
Ther-on reste, what so be-falle.
And trewly thow shalt nat falle,
What perillous passage that thow go,
As longe as thow takest hed ther-to, [Stowe folio 128a]
Line 7064
And, tavoyde [[to avoyde St.]] away dyspeyr,
Wherso thow gost in foul or ffayr,
Or what fortunë the be-falle.
"Good hope" alway thow shalt yt calle:
Line 7068
Thys the name off thy Bordoun,
Off trust & trewe affeccïoun,
Wych ys callyd Esperaunce,
Affter the speche vsyd in fraunce,
Line 7072
And the maner off that languáge. [[langage St.]]
'And looke alway, in thy passáge,
That thow holde the wel ther-by,
And ther-on restë feythfully
Line 7076
In peryllous pathys wher thow wende.
And by the pomellys at the Ende,
Holde the strongly, I the rede,
ffor they shal, in al thy nede
Line 7080
Sustenë the, thow [[that thou]] fallë nouht,
'The hiher pomel (yiff yt be souht) [prose cap cv]
Ys ihesu cryst: haue hym in mynde;
And in scrypture (as thow shalt fynde.)
Line 7084
He ys the morour [[Merour St.]] cler & bryht,
With-outë spot, (bothe day & nyht,)
In the wyche, a man, by grace, [Sapicncie vijo. Speculum sine macula. St., om. C.]
May beholde hys ownë fface,
Line 7088
In wych merour (as I tolde) [folio 108b]
Al the world ouhtë be-holde.
In wych also men may fynde
Allë thynges wrouht be kynde.
Line 7092
Reste vp-on hym with herte and thouht,
And go surly, & dred the nouht;
