Grace dieu: [[Dieu Spak St.]]
'ffyrst, thow shalt haue ffor Sykernesse [Stowe folio 127a]
A gyrdel off Ryghtwysnesse,
To restreyne al lecherye.
And, for to makë also dye
Line 7012
Al fflesshly lustys euerychon,
I shal the gyrde (& that a-noon,)
Wyth thys skryppe, wych thow shalt bere
The to dyffende (that no thyng deere)
Line 7016
On pylgrymage, wherso thow go.'
And thanne she took a wryt also
Out off hyr huchche, & rauht yt me. [[Blank in MS. for an Illumination.]]
'In thys wryt, thow mayst,' quod she,
Line 7020
'Be-holdë the descrypcïoun,
The maner hool, and the fasoun
Off the skryppe that I the took;
And offtë cast ther-on thy look
Line 7024
ffro day to day, the bet to spede;
And offtë sythe that thow yt rede,
The copë pleynly, & scripture,
The wych ys mad (I the ensure)
Line 7028
In latyn only, off entent
To yive to thè entendëment,
And to clerkys that kan lettrure,
And vnderstonde hem in Scrypture,
Line 7032
That they may, both hih & lowe,
The maner off thy Skryppë knowe, [folio 104a]
To folwe the ffeyth off crystys secte;
To hem thys latyn I dyrecte.
Line 7036
