'And her-with-al yt ys ek good,
Be-leue O god in Trynyte,
Thre personys in vnyte.
Line 6972
And, thy ffeyth mor strong to make,
Thow shalt a good exaumple take
Off thylkë syluer bellys thre,
To wych, in Tookne off Vnyte,
Line 6976
A claper serueth in chymyng,
Wych declareth in sownyng,
"Ther ys but o god, & no mo."
'And tak Alway good hed her-to,
Line 6980
ffro thys, that thy ffeyth nat varye,
Who-euere sowne the contrarye. [Stowe folio 126b]
And truste wel how the partycles
And the Remnaunt off Artycles
Line 6984
Of all the tother, (who kan entende)
Euerychon, her-on depende.
'Now take thy Skryppe, & go thy way,
And thynk her-on ryht wel alway;
Line 6988
And forget nat (yong nor old,)
No thyng that I ha the told,
Wryt in thyn herte as in a book.'
[The Pilgrim.]
And off hyr hand the Skryppe I took; [prose cap ciii]
Line 6992
But she, only off hyr goodnesse,
The skryppe aboutë me gan dresse,—
Thys Gracë dieu, ful manerly,—
And Tapoynte yt ffetysly,
Line 6996
Ouer [[On St.]] my shuldere she yt caste,
And be-gan to bookele yt faste,
In travers wyse, yt tenbrasse,
She gan the gerdel to compasse;
Line 7000
Made the pendant, that was long,
To be knet & fastnyd strong,
That the Tongë thorgh gan perce.
And than to me she gan reherse [folio 103b]
Line 7004
A scrypture off ysaye
Remembryd in hys prophesye,
The .ii. [[Elleventhe St.]] chapytle ye may se,
Gracë dieu seyng to me:
Line 7008
