'And the nedeth nat to haue
Line 6932
Noon other horlege, [[Orloge St.]] day nor nyht,
ffor to smyte thyn hourys ryht,
Yiff thow ther strokys trewly tellys,
.xij. hourys and .xij. bellys;
Line 6936
And ek also graue in the lettre
.xij. Artycles, to go the bettre,
Wych shal echon yfoundë be
Wyth-Inne thy skryppe, to techë the,
Line 6940
And tenforme the wel ynowh.
'But thow hast be somwhat slowh,
In thyn herte to taken hede,
Ther scrypturë for to Rede;
Line 6944
I menë thus, thy sylff to saue,
The Scrypture in the bellys graue;
Yet, by ther chymyng (in substaunce),
Thow sholdest ay ha rémembraunce
Line 6948
Vp-on thy skryppë callyd "ffeyth,"
'And thynk ek what Thapostel seyth:
To the Romeyns he endyteth,
Pleynly seyth, and thus he wryteth: [Stowe folio 126a]
Line 6952
"That thys bellys, in ther chymynge,
And by noyse off ther sownynge,
Parfytly they brynge in feyth [Fides ex auditu. Romanos 10. [x. 17. So then faith (cometh) by hearing, and hearing by the word of God.] St.]
To the Erys; and thus he seyth:
Line 6956
"Wher thyn Eyen be set most clere,
The verray trewë sown to here,
Abydyngë, nat transytórye,
To excyten thy Memórye,
Line 6960
Thy pylgrymagë to Acheve,
How thow shalt ffyrst, in god be-leue;
Wych doth nat ynowh suffyse,
Wyth-outë that I shal devyse.
Line 6964
'ffor yt be-houeth ek herto,
That thow mustest beleue also
Stedefastly (yt ys no dred), [folio 103a]
That thys wyn & ek thys bred
Line 6968
Be chaungyd in-to flesshe & blood.
