'Wyl crystys croos vp-on hem take;
Line 6852
And, as champyouns, thanne they seyth
That they wyl fyhtë for our ffeyth.
But whan yt kometh vn-to nede,
Al that théy spak touchyng dede, [folio 101b]
Line 6856
Yt ys for nouht, I dar wel seyn;
And thus ther bost ys but in veyn;
By ther wordys they wyl nat dwelle. [Stowe folio 124b]
'But by old tyme, I shal the telle, [prose cap xcix] [cap. 98 is omitted.]
Line 6860
Whan I the skryppe gan fyrst devyse,
Yt was al in a-nother wyse,
With-outë bellys, symplely; [.i. simpliciter St., om. C.]
Than suffysede, stedefastly
Line 6864
To louë god, our créatour,
And hym to serue with gret honour.
'But affter roos vp heresyes,
Oppynyouns & fantasyes,
Line 6868
The ffeythë [[ffeythe St., ffeyth C.]] falsly for to greue;
And ther gan euery man to leue
On god affter hys ownë lust,
And settë pleynly Al ther trust
Line 6872
Affter ther ownë ffantasye;
Off wych (yiff I shal nat lye)
Somme wer callyd "Arryens,"
And somme also "pellagyens,"
Line 6876
With ther oppynyouns newe;
And other sectys ful vntrewe,
The feyth off cryst for to werreye,
And lyst nat to the cherche obeye,
Line 6880
Thorgh ther false oppynyouns,
Concludyng by collusïouns
Off falshed shewyng many sygne,
Ageyn thy skryppë to malygne,
Line 6884
Ther-vp-on to be a-wreke;
Off whom me lyst no mor to speke.
'But my speche I wyl restreyne;
ffor wych cause, folk dyde hyr peyne,
Line 6888
And prelatys off the cherche,
Ageyn ther malys for to werche,
Makyng in especyal [Stowe folio 125a]
