'And sparede nat platly to dye,
Line 6812
(Ther legende so wryt & seyth)
ffor to dyffendë crystys ffeyth;
ffor wych, vp-on thys skryppe off grene,
The bloody dropys ther ysene,
Line 6816
Shewyn (in conclusïoun)
Ther martyrdam, ther passïoun,
Off ther ownë volunte,
Only to yiven vn-to the [folio 101a]
Line 6820
Verrayly an exaumplayre
(Wherso-euere thow repayre)
To suffre deth for crystys sake,
Rather than thow shust forsake
Line 6824
Thy skryppe in any maner wyse,
Off wych thow hast herd me devyse.
'ffor seyntys wych that suffrede so, [Stowe folio 124a]
I wot ryht wel that they be go
Line 6828
To paradys, & Entryd in;
ffor the swerd off cherubin,
Wych whilom at the gatë stood,
Ys so blontyd with her blood,
Line 6832
That yt ys (I dar wel seyn)
In [[In to St.]] the skawberk vp ageyn.
'But now-a-dayës it stant so,
Hooly seyntys ben all a-go,
Line 6836
That wer so myghty & so strong,
And draddë nat to suffre a [[a om. St.]] wrong
ffor the ffeyth, yt to dyffende,
Her lyff, her blood, ther-on to spende;
Line 6840
Redy they wern, & that a-noon;
But now, annethe [[vnnethe St.]] ther ys nat on
That wyl hym putte in Iupartye,
Crystys feyth to magnefye,
Line 6844
Nor makë myghty résystence
Ageyn Tyrauntys by dyffence.
'Yet somme boste & spekë grete
Whan they be fumous, ful off heete,
Line 6848
And han yheete & dronke at large,
Her bely stuffyd as a barge:
Than they, for our feythys sake,
