'The wych (off hool entencyoun)
Line 6736
I gyve to the, now kep hem wel! [Stowe folio 122b]
Considre the maner everydel,
How they be ryht necessarye
To forthre the, (thow shalt nat tarye,)
Line 6740
To helpë the in thy vyage,
And to spede thy pylgrymage.
Thow shalt off hem have ay gret nede,
Yiff thow lyst thy Iourne spede,
Line 6744
Nedful to pylgrymës alle;
And "feyth," thy Skryppë thow shalt calle;
Wyth-outë wych, [[yt scratcht out]] may nat be
Brouht aboutë no Iournee [folio 100a]
Line 6748
Nor vyáge that may a-vaylle.
ffor, thy bred & thy vytaylle,
Ther-in thow shalt alway concerve,
And allë tymes thow shalt observe
Line 6752
Thys skryppë wel in thy bandoun,
In euery cyte & euery Toun,
In al thy mostë feythful wyse,
And also for to auctoryse.
Line 6756
'Touchyng thys Skryppë callyd "ffeyth,"
Herkne what thapostel seyth
In a pystel that he endyteth,
And to the Romayns pleynly wryteth:
Line 6760
"The ryht-ful man, with-outë stryff,
By thys skryppë lat hys lyff;" [§ 1. 17, as it is written, 'The just shall live by faith.'] [Iustus ex Fide uiuit]
Thys to seyne, that ffeyth off ryht
Yiveth lyff to euery maner whyht;
Line 6764
As Abachuch that hooly man,
In hys wrytyng rehersë kan,
The secounde chapytle off hys book, [Behold, his soul (which) is lifted-up is not upright in him: but the just shall live by his faith.] [Stowe folio 123a]
Who so lyst lyfft vp hys look.
Line 6768
'And thys skryppe (with-outë wene,)
Off hys colour mot be grene;
Wych colour (who so look a-ryht)
Doth gret comfort to the syht;
Line 6772
