With al hys dyuers paramentys,
And all the .vij. [[Sevene St.]] sacramentys.
And in the Tenthë, men myhte se
The Oonyng and the vnyte
Line 6660
Off seyntys, the comunyoun,
Ordeyned for manhys [[mannys St.]] refeccyoun,
And off synnës Indulgence
By baptesme & by penytence.
Line 6664
And in the .xj. [[Elleventhe St.]] (be wel certeyn,)
Was the Rysyng vp A-geyn
Off all man-kynde, bothe hih & lowe,
Whan gabryel hys horn shal blowe,
Line 6668
To calle all ffolkys off entent
To komë to the Iugëment.
Body & sowle (as ye shal lere)
Bothë knet Ageyn yfere,
Line 6672
Shal ther come to audience,
ffor to heryn the sentence;
And thyder haven ther Repayr
To-for the Iuge hih in the hayr,
Line 6676
Goode & badde: thus stant the caas. [folio 99a]
And in the .xij., [[Twelthe St.]] grauen ther was
Only, off goodë, the guerdoun, [Stowe folio 120b]
And off wykked, punycyoun, [[the punycion]]
Line 6680
Swych as dydë no penaunce,
Nor ne hadde no répentaunce
To make amendys, I yow ensure.
Loo, her, hooly the scrypture
Line 6684
Off the syluer bellys clere,
And off the namel [[Thenamel St.]] ek yfere.
Now shall I tellen the ffacioun [prose cap xcvi]
And the maner off the bordoun,
Line 6688
Wych was (yiff ye lyst to lere)
Wrouht & mad in thys manere:
Yt was ymad bothe strong & lyht,
Long also, & evene vpryht;
Line 6692
Off dryë wode (yiff yt be souht)
Wyche neuere ne roteth nouht,
Nor neuere perissheth, (in certeyn,)
Nouther for ffyr, nor ffor no reyn.
Line 6696
