Cryst ihesu, descended doun
ffrom that hevenly mansyoun
In-to the Erthe, & be-kam man; [Stowe folio 120b]
And (as I rehersë kan,)
Line 6620
Off the holy gost conceyved,
Porely in thys world receyved,
Born off A maydë pur & ffre,
Ay flouryng in vyrgynyte,
Line 6624
Wych allë wemmen dyde excelle.
And wryten in the fyffthë belle,
Graue in ordre, by & by,
Was hys gretë tormentry,
Line 6628
And ek how he was crucyfyed,
And how that he for man hath dyed,
And suffryd ful gret passïoun,
To maken hys redempcyoun,
Line 6632
With many woundys ful terryble,
And rebukys ful penyble,
Mankynde only for to save;
Take fro the croos, put in hys graue,
Line 6636
Affter al hys peyne & wo.
And in the .vj. was wryte also, [[Syxte St.]]
(Wrouht, yt myghte nat be amendyd,)
How he to hellë ys descendyd,
Line 6640
Hys frendys ther to fette a-way, [folio 98b]
Wych hadde be there so many a [[a om. St.]] day
To bryngë hem to paradys.
And in the .vij. (by gret avys) [[Seventhe St.]]
Line 6644
Was wryte hys resureccïoun;
In the viij., [[heythe St.]] hys Ascencioun
Vp to the hihë heuene ageyn,
With hys fader (in certeyn)
Line 6648
To sytten there on the ryht syde, [Stowe folio 121a]
With hym perpetuelly tabyde,
Ther to demen quyk & dede,
Euery man affter hys dede.
Line 6652
Also (yiff ye lyst to wyte,)
In the nynthë ther was wryte
(Graue off hym that dyde yt werche,)
Crystys spousë, hooly cherche,
Line 6656
