In-to myn Eryn, ther they stood. [[Stowe]]
And for she sawh that yt was good, [[C. & St.]]
Line 6580
An huchche she gan a-noon vn-shette; [[C. & St.]]
And out a-noon ther-off she fette
(Lyk to myn oppynyoun)
Bothe a skryppe & a bordoun. [[Blank in MS. for an Illumination.]]
Line 6584
1Off wych thyngës, a-noon I
Gan to merveille ful gretly,
With myn Erys (as she me tolde)
Whan that I gan hem be-holde:1 [1_1 Not in Camb. prose.—Aldenham.]
Line 6588
The skryppë mad & shapë clene, [Stowe folio 120a]
By A gyrdel heng off grene,
The wych was (as I vnderstood)
Spreynt with dropys off red blood,
Line 6592
Wheroff I was abaisshed sore.
And over that, I sawh yet more:
Vpon the samë gyrdle stronge,
Off syluer, smalë bellys honge,
Line 6596
Twelue in noumbre, & no mo,
Wel enamellyd; & also
Ech off hem (I yow ensure)
Haddë a dyuers Scrypture,
Line 6600
The lettrys large & curyous;
And in the ffyrste was wryten thus: [prose cap xcv]
"God the ffader," fful wel ywrouht,
That heuene and erthë made off nouht,
Line 6604
And made ek man to hys lyknesse, [folio 98a]
Off hys grace & hys goodnesse.
And ferthermor (yiff I shal telle)
Was wryten in the nextë belle:
Line 6608
"God the Sone, off wysdam most."
In the thrydde, "God the Holygost."
And they wer mad so wel, echon,
Semynge to me they were al on;
Line 6612
And with-Inne I dydë se
A claper that seruede hem all thre.
In the fourthe was wryte & graue,
How goddys sonë, man to saue,
Line 6616
