'Conceyve my speche euerydel:)
Line 6460
Eye ys the gate, lookyng porter;
Nose, the dore & massager
Who kan parceyve ys smellyng;
And semblably in euery thyng,
Line 6464
Euene lyk yt doth be-falle
Off thyn other wyttys alle,
Thanne whan that lokyng is porter
Off the Eye, & massager. [folio 96a] [[C. & St.]]
Line 6468
'And I wyl here by & by [[C. & St.]]
Speke off the Eyë specyally, [[C. & St.]]
And lete the tother passe & gon.
'Now herkne, & thow shalt here A-noon
Line 6472
As I sayde rathe vn-to the, [[C. & St.]]
Lokyng, with wych men do se,
Vn-to the Eye ys porter
(As thow well wost) & massager;
Line 6476
And whan that he seth thyngës newe,
ffresshe & lusty of ther hewe, [Stowe folio 118a]
ffayr or foul, wher-so yt be,
He bydeth nat in no degre,
Line 6480
Nouther slepeth nor resteth nouht,
But, as swyfft as any thouht,—
Thorgh hys bysy dyllygence,
A-noon, (as he hath licence
Line 6484
Off the wyttys callyd comwne,—
Thanne hys offyce to contune,)
He maketh a demonstracioun,
Report & ful relacyoun,
Line 6488
ffyrst off all, to fantasye.
'Thanne ffantasye doth hyr hye [.i. Fastinat St.]
To Go forth to Entendëment,
To yive a trewë Iugement
Line 6492
Off report that he hath brouht,
Iustly to deme, & errë nouht,
Be yt off thyngës newe or old.
'Now telle I the, as I ha told
Line 6496
Amongys al thy doomys stronge;
Yiff the thyng vn-to hym longe,
Thanne he (in conclusïoun)
