'Thorgh hys ffoltysshe vanyte.'
The pilgrym axithe: [[In Stowe's hand, 'The Pylgrym Asketh.' St.]]
"Ma dame," quod I, "ful gladly [Stowe folio 117a]
I wolde wyten certeynly,
Line 6424
Clerly to be put out off doute,
What ys he that wych sendeth oute,
And what ys he (ek in certeyn)
That Reporteth hem A-geyn
Line 6428
Tydynges erly & ek late;
And yiff ther be ek any gate
A-twen the brynger / and hym that sent; [folio 95b] [[C. & St.]]
I woldë fayn / in myn Entent [Stowe folio 117a]
Line 6432
Off yow / haue Informacyoun, [[Stowe]]
And clerly dyffynycyoun." [[Stowe]]
Grace Dieu Answerthe [[Stowe, C. blank.]]
'Certys,' quod sche, 'by thyn askyng [[St. & C.]]
Thow shalt neuere knowe no thyng
Line 6436
As I be-leuë, in substaunce.
'Thow herdyst whylom, how dame penaunce
Made a declaracïoun
Off vj. gatys, in hyr sarmoun.
Line 6440
And fyve off hem, she saydë blyue,
That they wer the wyttys fyue;
By wych gatys she dyde assure,
That al fylthës & al ordure
Line 6444
Entrede in, [[Inne St.]] in sondry wyse,
(As thow herdyst hyre devyse,)
Whan they wer open, & nat cloos.
The wych gatys, to my purpos [Stowe folio 117b]
Line 6448
I wyl now take in specyal
With-outë preiudice at al.
'ffor thys gatys, I calle "porterys,"
"Bryngerys-in [[Inne St.]] & massagerys"
Line 6452
Off echë [[eche St., ech C.]] thyng, & sayd with-oute,
But yiff yt falle with-outë doute,
Certeyn Secretys, wych that be
Hyd & ydon in pryvyte.
Line 6456
Thys gatys I calle the "passages,
Wherby in [[Inne St.]] passen the massages."
'Thys to seyne (vnderstond me wel;
