'He vnderstondeth neueradel
Off thys matere that we off talke,
He goth be-syde, & maketh a balke,—
Line 6384
To sen clerly thexcellence,
The valu and the [[the om. St.]] magnyfycence
Off that we holde our parlement,
He ys so feble & indygent
Line 6388
ffor lak off knowyng (in sothnesse),
He ys [so] fallen in dyrkënesse, [[dyrkenesse St., dyrknesse C.]]
That he knoweth her-of ryht nouht,
Truste me well, (yiff yt be souht,)
Line 6392
The verray trouthe, (so god me saue).
'And ther thow seyst, he sholde ek haue
An hundryd eyën, & yet mo, [Stowe folio 116b]
Thow shalt wel wyte yt ys nat so,
Line 6396
Nor that yt ys a thyng credyble, [folio 95a] [[St. & C.]]
Nor off hys lookys wych be possyble, [[St. & C.]]
Wych he hath by successyouns; [[St. & C.]]
I sey nat off thentencyouns [[St. & C.]]
Line 6400
Wych thow hast in many wyse; [[St. & C.]]
ffor than (shortly to devyse) [[St. & C.]]
In swych caas thow seydest wel,
And elles platly thow shalt fel
Line 6404
Thow wentyst foule out off the weye.
'ffor he hath only but on Eye,
That Symply seth & vnderstondeth,
And thyngës wych he vnderstondeth
Line 6408
Lyk to hys syht, as they doth [[do St.]] deme,
He byt, & kan no ferther deme.
Swych thyng as longeth to hym off ryht,
ffor to be demyd by the syht,
Line 6412
He receyveth to hys presence;
And thannë thyn Intelligence,
Also ffer as he doth se,
He Gyveth hys doom in that degre:
Line 6416
On thyng nat seyn, he kan nat muse;
But al swych thyng he doth refuse,
And sent yt forth (pleynly to seyn),
Outward, ther as yt kam a-geyn.
Line 6420
ffor lak, he kan no ferther se,
