'Yt lyth in thyn elleccïoun,
Line 6344
And in thy fre choys yt shal be, [Stowe folio 115b]
ffor to chesyn, as for me
To settyn thyn eyen her or there.
'And for my party, thow shalt lere
Line 6348
Yiff thow in me haue swychë [[swyche St., swych C.]] tryst,
ffor to Remeue hem wher me lyst,
As for onys to assaye,
Yiff I ther-wyth nat the dysmaye,
Line 6352
But do yt for thyn ávauntage,
The ther nat pleyne on no damage.'
The pilgrim axithe: [[In Stowe's hand. The Pylgrym Asketh. St.]]
"Wher-off serueth (touchyng thys thyng)
Clernesse off myn vnderstondyng,
Line 6356
Wych clerkys calle (in sentement)
Intellect or entendëment,
Wych hath Eyen (I dar seyn so,)
As manye (or an hundryd mo)
Line 6360
As hadde Argus / of yore agoon, [folio 94b] [[Stowe]]
Yit in hys Erys / hadde he noon, [[Stowe]]
In bookys olde / ye may well se. [[Stowe]]
"I hope yt stant nat so with me, [[C. & St.]]
Line 6364
That good avys shal me so faylle,
Nor no Rudnessë so masaylle.
Me thynketh pleynly (as I tolde)
But that myn vnderstondyng sholde
Line 6368
Techyn me the trouth al pleyn,
And ther-to hauë no dysdeyne,
Me tenfourme of al thys thyng, [Stowe folio 116a]
With-outen any remowyng [[Remewyng St.]]
Line 6372
Off the Eyën in myn hed
Into [[Into St., In C.]] myn Eryn (who kan tak hed);
Wych wer in soth An vnkouth syht, [[St. & C.]]
And gret merveyl to euery whyht."
Line 6376
Grace Dieu Answerde [[St., om. C.]]
Quod grace dieu, 'tak hed, & se,
Thyn vnderstondyng (trustë me)
Wolde in soth ha no dysdeyne
To techë the the trouthë pleyn.
Line 6380
But thow mayst trustë me ryht wel:
