'ffor, trustë me wel, that Eryng [.i. Auditus St., om. C.]
Line 6304
Wel dysposyd, voyde of slowthe,
Kan the tellë best the trouthe,
In thyngës wych that ben dotous,
Wonderful & merveyllous.
Line 6308
'ffor wych thyng, I wyll nat lette,
Ther thyn Eyen for to sette,
With hem to sharpë mor thy wyt;
ffor thow seyst nat clerly yit,
Line 6312
As thow ouhtest in thyn mynde.
Thow trustest vp-on fourë blynde.
On whom trowynge, (trustë me,)
Line 6315
Thow art ful blynde, & mayst nat se. [Stowe folio 115a]
'But yt be-houeth, that clerly
Thow mustest sen, & openly,
Or thow haue pocessïoun
Outher of skryppe or off bordoun.
Line 6320
ffor thow shalt hem nat possede,
Nor bern hem out (yt ys no drede,)
Out off myn hous, in no manere,
(Sherpe [[Skrippe St.]] or bordoun bothe yfere)
Line 6324
Tyl thow knowe (with-outë slowthe) [folio 94a] [[C. & St.]]
Verrayly the pleynë trouthe [[C. & St.]]
Off al that hath be told to the
Touchynge thys bred; now truste to me,
Line 6328
And wene nat,—in [[in St., nat C.]] no maner wyse,
As I shal to the devyse,—
That I no-thyng off volunte
Seye thys wordys to temptë the
Line 6332
A-skawnce: I woldë A-geyns ryht
With-drawe that I ha the be-hyht:
To the, my promys I wyl kepe;
ffor neuere, vakyng [[wakyng St.]] nor a-slepe,
Line 6336
(As I ryht wel rehersë kan,)
I deceyved neuere man
Off thyng that longede vn-to me.
'And ther-fore doutë no-thyng the,
Line 6340
That I wyl to no strangë fourme,
The diffacen, nor dysfourme;
ffor platly (in conclusïoun)
