'Yiff he desyre to haue ynowh, [Camb. MS. reads: If it wole ynowh, it shal fynde with-inne that that may saule it, and fille it and suffice it, p. 49.] [folio 90b] [[C. & St.]]
Line 6080
He shal ther ffyndë (Trustë me) [[C. & St.]]
Suffysauncë to hys sawlë, [[C. & St.]]
Hym to fulfyllen at hys Ese, [[C. & St.]]
And hys desyrys to appese. [[C. & St.]]
Line 6084
And, as I rehersë shal,
Her ys noon offence at al,
Nouther vn-to yong nor old.
'And for thys cause that I ha told,
Line 6088
The hous ys lasse, with-outë wene,
Than thylkë thyng yt doth contene;
And lasse (for short conclusïoun,)
Ys the habytacyoun
Line 6092
Than the good (I dar wel telle)
Wych with-Inne the hows doth dwelle.
'And I suppose (tak also hed,)
That vn-to the, by lyklyhed
Line 6096
I haddë don, in my werkynge,
Som thyng wych wer nat syttynge,
Off wych thow wer nat plesyd wel.
And ek (to Reknen euerydel,)
Line 6100
That I ha told the in substaunce,
Thogh yt wer nat to thy plesaunce, [Stowe folio 111a]
I ouhte off Reson, nor off skyl,
Answeryng no-thyng but at my wyl,
Line 6104
Off ryht nouht, (as semeth me,)
Nor take no maner hed to [[heed off St.]] the
Off no-thyng that thow hast me souht.
'And, par cas, yiff I hadde wrouht
Line 6108
Some vnkouth thyng that wer notáble
By Aventure, or profytáble
Mor than any other whyht,
Wych wer merveillous to syht,
Line 6112
I ouhtë nat, as thynketh me,
Off no wyht apechyd be;
Consydred how (in sothfastnesse)
That I am namyd a "maystresse," [folio 91a] [[C. & St.]]
Line 6116
Wych ouhte suffysen vn-to the: [[C. & St.]]
