'May comprehendë gret pasture;
Line 6040
And, as gretë thyngës set [Stowe folio 110a]
In smalë bondys may be knet.
'And evene so, yiff thow take hed,
Vnder lyknesse off thys breed. [folio 90a] [[St. & C.]]
Line 6044
The grettest good most sovereyn [[St. & C.]]
Ys ther closyd in certeyn; [[St. & C.]]
Nat only "ymaginatiue,"
Nouther "Representatiue,"
Line 6048
(Vnderstond now wel my lore,)
Nor "Virtualiter" with-outë more;
But ther yt ys [[ys yt St.]] put sothfastly,
(Yiff thow lyst lerne ffeythfully,)
Line 6052
Bothen "Corporaliter"
And also ek "Realiter;"
Bothe "Presencialiter"
And also ek "Veraciter;"
Line 6056
With-oute al symulacioun,
Deceyt, or any Ficcioun—
And off thys puttyng, the causë why [prose cap lxxxviii]
I haue declaryd in party.
Line 6060
'ffyrst, yiff thow consydrest al,
ffor an hertë that ys smal,
I ha the bred mad smal also,
(Yiff thow take good hed her-to.)
Line 6064
And for hys gret capacyte,
The good that hath most sovereynte,
I haue ther-in put (certeyn)
The good that ys most souereyn:
Line 6068
Gret vnto gret, smal vn-to smal,
Wych ys Answeryng in al, [Stowe folio 110b]
And corespondent by mesure.
ffor affter that (I the ensure,)
Line 6072
That an herte be gret or smal,
Ryht so, in especyal,
Answeryng, by mesure,
Ryght so ys madë [[made St., mad C.]] the pasture;
Line 6076
A smal hertë (tak good hede,)
ffyndeth also smal the bred.
'Consydre & se the maner howh:
