'(ffor to speke in wordys pleyne,)
Wher I ha put tho townys tweyne,
Line 5964
So renomyd & flourynge in glorye,
Saue only in my memórye!'
Sapyence:
'Now sothly,' quod Sapience,
Thow hast shewyd thy sentence
Line 5968
To me ful pleynly & ryht wel;
And declaryd yt euerydel
In wordys wyse, & nat rude.
And her-vp-on thow shalt conclude,
Line 5972
(Yiff prudently thow lyst take heed,)
Yiff thy memórye be in thyn hed,
Thow seyst yt ys in lassë space [folio 89a]
(Who so lyst a-ryht compasse,)
Line 5976
Than ys thyn hed, on outher syde, [[C. & St.]]
Wher thy Memórye doth a-byde.
'Also ek, in wordys fewe,
A-nother exaumple I wyl shewe, [prose cap lxxxv]
Line 5980
Wych I to the rehersë shal
Off thyn Eyë by the bal:
Yiff thow ther-to kanst loke a-ryht,
Yt ys but smal vn-to the [[thy St.]] syht,
Line 5984
And conteneth lytle space;
And yet the gretnesse off thy face
A-bydeth there, (yiff thow list lere) [Stowe folio 109a]
Swych as yt ys, hool & entere
Line 5988
In Roundnesse off that lytle bour.
'Tak hed also off A merour,
Or ellys off a lytel glas.
To purpos in the samë cas,
Line 5992
Wher thow mayst ek thy facë se
Off what gretnesse that yt be!
'And yiff thow wylt in bettre wyse,
Vn-to the, that I devyse
Line 5996
To assoyl thyn Argument
ffynally to myn entent,
That seyst I sholde ha falshed the,
And repryved thy Maximë,
Line 6000
Whan I seyde, yiff thow take heed,
